fbpx

Բրենդինգ և բրենդավորում

brendavorum
Բրենդ, բրենդինգ և բրենդավորում։

Այսօր աշխատաշուկան շատ բազմազան է և մրցակցային, ուստի հաջողությունների հասնելու և բիզնեսի առաջընթացն ապահովելու համար բանիմաց ու բարեխիղճ աշխատակիցներ ունենալուց բացի, անհրաժեշտ է նաև զուգահեռ աշխատանքներ տանել, որ տվյալ ապրանքանիշը լայն տարածում գտնի սպառողների շրջանում։ Այնուհետև պետք է միջոցներ ձեռնարկել բիզնեսի վարկանիշը բարձրացնելու և հետո նոր բիզնեսի շրջանակները ընդլայնելու համար։ Այս պարագայում շատ կարևոր է բրենդի և բրենդավորման դերը։

Իսկ ի՞նչ է բրենդը։

Կարող ենք ասել, որ բրենդը մարկետինգային հասկացություն է, որը գոյություն ունի մարդկանց գիտակցության մեջ։ Բրենդը տվյալ ապրանքանիշը ներկայացնող լոգոն է, խորհրդանիշը, որը հաջողության ունենալու պայմաններում նպաստում է արտադրողի և սպառողի միջև որոշակի կապի ստեղծմանը, սպառողների մոտ ձևավորում է որոշակի սպասելիքներ՝ կապված տվյալ ապրանքի հետ և ճանաչելի է դարձնում ապրանքանիշը շուկայում։ Եվ ինչու չէ, ճիշտ ընտրված լոգոն կարող է հիմնաքար հանդիսանալ և նախադրյալներ ստեղծել ապրանքանիշի՝ համաշխարհային ճանաչման հասնելու համար։

Միևնույն ժամանակ այս կամ այն բրենդը դրական ազդեցության փոխարեն կարող է ունենալ նաև հակառակ էֆֆեկտը․ այսպես՝ սխալ և անբարեհունչ ընտրված անվանումը, ապրանքին անհամապատասխան լինելը կարող է բերել չհասկացվածության, թյուր կարծիք ձևավորել ապառողների մոտ և խոչընդոտներ ստեղծել ապրանքի տարածման համար։ Ուստի անհրաժեշտ է հաշվի առնել յուրաքանչյուր մանրուք։

Սակայն, պետք է նշել որ, լոգո, վիզուալ լոգոտիպ և բրենդային էլեմենտներ ստեղծելը բրենդավորման վերջին փուլն է, որին հասնելու համար անհրաժեշտ է հաղթահարել մի շարք փուլեր։

Սկզբում անհրաժեշտ է ուսումնասիրել աշխատաշուկան, առանձացնել պոտենցյալ հակառակորդներին,գնահատել ռեսուրսները, մոտավոր պատկերացում կազմել ստացվող արդյունքների մասին, ընտրել թիրախային խումբը, մշակել ապրանքանիշը սպառողին առավել հասանելի և արդյունավետ, նմանատիպ ապրանքների շարքում ինդիվիդուալ ներկայացնելու մեթոդներն ու միջոցները, քանի որ հենց այդ անհատականությունն է ստիպում սպառողին ընտրել հենց Ձեր պրոդուկտը։ Այս ամենից հետո անհրաժեշտ է սահմանել վերջնանպատակը և հետո նոր միայն անցնել գործի ։

Այժմ լայն տարածում է գտել այսպես կոչված ‹‹Անհատական բրենդ›› հասկացությունը։Աշխատաշուկայում Ձեր ապրանքանիշի այցեքարտը կարող է հանդիսանալ ոչ միայն վեբ-կայքը կամ լոգոն, այլ նաև այն անձնավորությունը, ով ներկայացնում է տվյալ պրոդուկտը։ Այս բոլորը սերտորեն շաղկապված են միմյանց։ Եթե ապրանքանիշը ներկայացնողը ընդունված է սպառողների կողմից, վստահություն է ներշնչում և ունի սեփական ձեռագիրն ու որոշակի ազդեցություն, ապա, բնականաբար մարդիկ կսկեն հետևել նրան և առաջարկվող բազմազանությունից ընտրել ‹‹լավագույնը››։

Անհատական բրենդի էֆֆեկտի գործադրման շատ դեպքեր կարելի է հիշատակել։ Այս մեթոդը գործածվել և շարունակվում գործածվել ինչպես բիզնեսների առաջխաղացմանը նպաստելու, այնպես էլ կարիերայի առաջընթաց ապահովելու համար։ Բավական է ընդամենը 1 դեպք հիշատակել, և ամեն ինչ կընկնի իր տեղը․ 1957 թ․, երբ Ջոն Ֆիցջերալդ Քենեդին իր թեկնածությունն առաջադրեց ԱՄՆ նախագահական ընտրություններում, նրա հաջողությունը նախընտրական քարոզարշավում ապահովեց բոլորի կողմից սիրված և մեծ ժողովրդականություն վայելող Մերլին Մոնրոն, ով բավականին մտերիմ հարաբերությունների մեջ էր Քենեդու հետ։ Նա համերգների ժամանակ անընդհատ հանդիսատեսին կոչ էր անում ընտրել հենց Քենեդուն։ Եվ արդյունքը, ինչպես գիտենք, սպասել չտվեց։

hy
en_US hy